Phek PLVs-i district jail semdang

Phek, September 16 (TYO): Honibarnü Phek District Legal Services Authority kübok Para Legal Volunteers (PLVs) züngsemtemi District jail Phek semdangogo, aser iba mapang nung PLVs-i, Deputy Superintendent-i jail semdangtsü melaba aser jail ketdangsertemi amalitepa inyakba atema pelaba lemsatep.
Fellowship hall nung sentong tatsüka agidang PLV, Sekukho-i tepoukdak alirtem indang temeten indang lemsatep. Pai ashiba agi, tepoukdak alirtema tanga senso ama kasa temeten angutsü temeten lir.
Tepoukdak alirtem temeten onük nung PLV, Diezekho-i, tepoukdak alirtema anogo shia tajemba agi ghonda kabo moapu nung kazüdaktsütsü temeten lir, ta ashi.
Paisa, tepoukdak alirtem temang anema alitsü atema chiyungtsü angutsü temeten lir, iba den külemi medical teyari agitsü, hopta shia ghonda kabo tesemdangertem ajurutsü aser educational programmes nung shilem agitsü temeten lir, ta metetdaktsü.
Iba sentong nung tetsür ka densema tepoukdak alir parnok 21 aden.

You must be logged in to post a comment Login