Phesama anentsüh nung gari 200 den timba anendena lir

Phesama anentsüh nung gari 200 den timba anendena lir

Phesama yim nung anentsüh alua alidak garitem anendena aliba angur.

Kohima, August 19 (TYO) : Kohima kübok Phesama nung anentsüh aluba ajanga National Highway-2 anenzüka ogo aser iba timtem ajanga gari 200 den timba anendena lir.

Phesama nungi temulungertem aser BRO personnel temi lenmang lapoktsü atema kanga meranga inyaker saka tzünglu aruba agi anentsüh maneni alur. Ibaji ajanga tanü ghonda pezü jungnüa garitem anendentsüsa aküm, ta osang ajanga ashi.

Tanü Southern Angami Youth Organization (SAYO) ketdangsertemi iba tesem semdang aser parnoki Phesama Youth Organization nem tenüngsang agütsü.

Timtem ajuruba anogo nungi Phesama Youth Organization-i lenmang sadema lapoktsü atema mapa inyaktsü tenzük aser ibaji atema SAYO-i parnok dang pelaba ashi. Ano SAYO-isa P.K. Singh, O/C BRO 99th RCC asr par jawan tem dang pelaba shisem.

SAYO-i district administration dang anentsüh aluba tesem nung teyari agütsütsü atema mepishiogo aser ano Traffic SP aser Khuzama PS nungi nübo talila yoka traffice ketdangsütsü atema shiogo.

You must be logged in to post a comment Login