PM-i tang mezüngbuba All India Institute of Ayurveda semzüktsütsü

New Delhi October 14 (Agencies): October 17, 2017 nü New Delhi nung ‘Ayurveda Day’ anogomong nung Ato kilonser, Narendra Modi-i India nung tang mezüngbuba All India Institute of Ayurveda (AIIA) semzüktsütsü; iba ya AIIMS den mesüktepa yangluba lir.
Ministry of AYUSH kübok amenokba AIIA ajanga Ayurveda indang sobaliba aser tanü asüng technology tsüngda sendakteptsütsü, ta Honibarnü Minister of State for AYUSH, Shripad Yesso Naik-i metetdaktsü.
All India Institute of Ayurveda ya sen crore 157 indoka ali acre 10.015 nung yanglu, aser iba ya AYUSH Ministry kübok tang mezüngbuba medical institute lir.
Naik-i, “Mapang tatsüka tsüngda linük aser International jenjang nung AIIA ya meteta kümogo. Iba reju ajanga shirangertem anepaluba ajanga research agiba tenzükogo, koba ajanga Ayurveda products indang scientific osangtem meteter aser Ayurvedic shisaliok, research aser healthcare terenlok akar,” ta ashi.
AIIA semzükba sentong nungsa Ministry-i adokba Ayurvedic Standard Treatment Guidelines sayatsü.
Iba sentong nung linük tesem balala nungi shilem agi 1,500 adentsü imlar.
Tang AIIA hospital block nung aliba rongnung neurological & degenerative disease care unit, rheumatology & musculoskeletal care unit, diabetes aser metabolic/allergic disorders care unit, Yoga, Panchakarma clinic, Kriya Kalpa, diabetic retinopathy clinic aser infertility clinic amenoka lir.
Iba reju nungsa pathology, biochemistry, microbiology & radiology laboratories aser diagnosis facilities lir.
Naik-i ashiba agi, AIIA nung Ayurveda post-graduate programme (MD/MS) atema 2016-17 academic session tenzükogo aser PhD course 2017-18 academic session tenzükogo.