PM Modi-i Gujurat nung rally 8 nung o jembitsü

Ahmedabad, November 23 (Agencies): Prime Minister Narendra Modi-i November 27 aser 29 anogotem Saurashtra aser south Gujarat nung rally 8 nung o jembitsü. Iba tesem nung December 9, 2017 nü voting agitsü.
November 27 anepdang PM Modi-i Kutch district nung aliba Bhuj jila nung o jembitsü aser iba kasa anogo nungsa pai Jasdan, Dhari aser Kamrej jilatem nunga sentong balala nung o jembitsü.
November 29 nü Modi-isa south Gujarat kübok Morbi, Prachi, Palitana aser Navsari yimtsüngtem nung o jembitsü
Gujurat assembly elections indang tanabuba shilemji December 14 nü agitsü aser December 18 nü votes azüngtsü.
Mezüngbuba vote agütsüba shilem atema BJP lennirtemi November 26 aser 27 anogotem state kübok tesem balala nung nüboyimtsütsü.

You must be logged in to post a comment Login