Po agi 6 yirutsü, class nung mi senoktsü

Moscow, Jan 19 (Agencies) : Russia nunger kaketshir kati külem school nung azünger tanubur telok ka po agi mechiyonga ao aser iba mapang parnok trok yirutsü; ajiser par class nung mi senoktsü, ta tanü Hokolbarnü ketdangsertemi metetdaktsüogo.
Siberia kübok Ulan-Ude yimti adenli aliba kaketreju ka nung iba lendongji atalok.
Iba dak sendakba bushisüngdangba luden ka ajanga ashiba agi, grade 9 nung azüngsang jagi agi grade 7 nung azüngertem yirutsü aser iba sülen par class nung mi senoktsü.
Iba lendong nung yirurtemji kaketshir pongu den tesayur ka liasü, ta kasa luden jagisa metetdaktsü.

You must be logged in to post a comment Login