Polling anogo nung Paid Holiday agütsür

Dimapur, Tsüklai 12 (TYO): Nagaland nung Government/Private establishments aser dokantem nung mapa inyaker ajak Tsükali 27, 2018 nü Paid Holiday agütsür, ta Home Commissioner, Abhishek Singh-i tanü sangdong ka nung metetdaktsü.
Representation of the People Act, 1951 nung Arrla 135B aser Arrla 135B (1) nung ajemdaker aser Nagaland nung Legislative Assembly Elections aliba nung vote agütsütsü atema mapa inyakertem ajak nem Paid Holiday agütsür, ta paisa ashi.
Ajisüaka, mapa inyaker ka mapai maoba ajanga lendong mesüra tetsükdaktsü ajurutsüsa aliba office mesüra establishment tem nungbo iba tetuyuba ya magütsür, ta Abhishek-isa shisem.