Polling station ajak nung CCTV surveillance enoktsü

Dimapur, Tsüklai 17 (TYO): Nagaland nung election tiptema aser tashiyim mapa kecha melii agitettsü atema polling station ajunga nung CCTV surveillance enoktsü ta Chief Electoral Officer, Nagaland-i sangdong ka nung metetdaktsü.
Iba ya webcasting mesüra offline videography atema lir.
DEO temi webcasting atema nübo talila shimogo aser parnok dang Operator ta ajatsü. Ajisüaka, operator temji Presiding Officer aser 1st Polling Official kübok inyaktsü aser parnok nem-a webcasting indang training agütsüogo, ta paisa ashi.
Polling agiba anogo nung RO/ DEO aser CEO temi polling booth ketdangsüa reprangtsü. Polling agitsü anogo ka jakdang webcasting system ji Polling Station nung Polling Party-i enoktsü, ta CEO Nagaland-isa metetdaktsü.
Polling station nung camera ji azüklen aser nisungi meraksatettsüsa enoktsü aser polling station ajunga angutsüsaji enoktsü, ta paisa ashi.