Ponnappa-Rankireddy na qualify süogo

Fuzhou, November 14 (Agencies): Tarep temeyoktep asayar Satwiksairaj Rankireddy aser Ashwini Ponnappa na qualifying asaya ana koker China Open Superseries Premier main draw atema Bodhbarnü qualify süogo.
Ponnappa o Rankireddy nati mezüngbuba asaya nung Chinese Taipei nunger asayar Lee Jhe-Huei 0 Wu Ti Jung na 24-22 21-7 agi akokba sülen Denmark nunger asayar Niclas Nohr o Sara Thygesen na 21-16, 19-21, 22-20 agi kokogo. Bodhbarnü main draw mezüngbuba asaya nung tena Denmark nunger asayarsa Mathias Christiansen aser Christinna Pedersen na den asayatsü.
Iba asayamung nung India nunger nüngtugu asayar Saina Nehwal aser PV Sindhu nunger dena asayaba angutsü.
Ajisüaka World number two Kidambi Srikanth iba asayamung nung tetsü tera yiruba ajanga masayatettsü. “Ni China Open nung masayatsü. Ni tetsü tera atsüa lir aser doctor-i hopta ka anisüngzüktsü asoshi tetuyuba agütsüogo. Ni Nationals sayaba mapang nung tetsü ya atsü saka ni animesüngzüki maneni asayaba ajanga tera tamajungba aküm, saka ni hopta ka tsüngda nung junga doktsü,” ta Srikanth-i ashi.