Praful Patel-i Meghalaya semdangtsü

Shillong, Aenjeti (January) 12 (Agencies): Meghalaya nung assembly elections agitsü ita ka shi dang lia national political party lennirtemi state semdangba manener.
Congress sorkar aliba state nung parnok jenjang ajungtsü nükjidong nung lennirtemi state semdanger.
Taoba anogotem PM Narendra Modi, BJP tir Amit Shah aser BJP o Congress lennirtemoi Meghalaya semdangogo.
Tang Nationalist Congress Party (NCP) national general secretary Praful Patel-i Meghalaya semdangtsü sentong lir. Patel ya Rajya Sabha MP lir aser pai Aenjeti (January) 16 aser 17 anogotem Meghalaya semdangtsü.
NCP Meghalaya unit-i ashiba agi Patel-i Aenjeti 16 nü Shillong semdangtsü aser Bivar Road nung party indang office lapoktsütsü. Iba sülen pa Aenjeti 17 nü Tura-i aotsü aser lokti sentong ka nung o jembitsü.
In-charge North-East, NCP Narendra Verma-i Patel meina arutsü, ta NCP Meghalaya unit-isa metetdaktsü.