Prasad achiba sülen nisung 1500 dak tema shirang

Bhopal, Tsüklai 14 (Agencies): Madhya Pradesh, Barwani district nung Sangtennü Mahashivratri benjung amungba mapang nung khichdi achiba sülen nisung 1500 shi shirang.
Parnok rongnung 300 mozükidang temang anepaludar.
Osang ajanga ashiba agi, Barwani, ashram ka nung Sangtennü nikongtsütsü ‘prasad’ (khichdi) achiba sülen yimdaklir parnok 1500 shi shirang. Parnok tepok nung timtem adok aser saktsüa liasü.
Iba tatalokba sülen aoksar yimdaklirtem aser ketdangsertemi parnok 300 shi mizüki-i anir ao. Shirangertem ya yimtsüng tenet nungi liasü. Nisung aika temang nung timtem adokba ajanga parnok ya mozüki-i pick-ups, tractor trolleys aser private gari tem nung bener aotsüsa aküm.
“Onoki shiranger tem jangjashia parnok district mozüki aser private mozüki anati anir aotsüba atema nisung yok aser tensa tang kanga junga azüoka lir,” ta Barwani, District Magistrate, Tejaswi S Naik-i osangbenertem dang ashi.
Iba tatalokba ajanga district nung health facilities peria maliba tuteta sayuogo, kechiyong shirangertem anepalutsü asoshi sorka mozüki kima nung süki razüktsüsa aküm.
Shirangertem aika private mozüki-i yok kong temang anepalutsüba atema sen aika agir. District Collector-i temang kanga mejungi alirtem nem talila teyari agütsütsü nangzükogo.
Paisa ashiba agi, private mozüki tem nung mozü atema sen meshiba shirangertemi ashishiba sülen health staff temi parnok nem angati agi mozü agütsüogo.