Priyanka Chopra arishi küm 33 jungogo!

July 18, 2015: Bollywood actress aser kentener Priyanka Chopra dak sempet aika lir aser la tanü (July 18, 2015) arishi küm 33 abensaba benjung yasüng ayaterm nung mongogo.
Lai 2000 küm Miss World 2000 aser Miss World Continental Queen of Beauty-Asia & Oceania takok ngua liasü, aser iba tetoktepba nung takok angur India tsür rongnung la pongububa lir. Lai 2002 küm mezüng Tamil film ‘Thamizhan’ nung shilem agi aser iba sülen 2003 küm Hindi film ‘The Hero’ nung shilem agia liasü.
Tesülen lai ‘Andaaz’ aser ‘Mujhse Shaadi Karogi’ film nung shilem agi. Lai shilem agia aliba film- ‘Fashion’, ‘Barfi’ aser ‘Mary Kom’ ajanga alima dang la dak sempet tajung aliba kuli sayutetogo.
Lai Fashion film ajanga National Award for Best Actress agizük aser ‘Mary Kom’ film ajanga National Award for Best Popular Film agizüka liasü.
Taruba mapang lai Sanjay Leela Bhansali indang film ‘Bajirao Mastani’ nung Kashibai ama shilem agitsü.