Priyanka Chopra Forbes List nung züngoksemogo

New York/New Delhi, November 3 (Agencies): Priyanka Chopra 100 Most Powerful Women 2017 Forbes List nung züngoksemogo. Quantico star ya iba list nung jenjang 97 buba nung lir, koba nung German Chancellor Angela Merkel temaba jenjang nung lir.
India nungi jakzükba tetsürtem rongnungi, PepsiCo CEO Indra Nooyi (11) aser Indian American Nikki Haley (43) iba list nung züngsema lir.
Iba list nung temaba jenjang nung Merkel lir, shibai küm tenetbuba atonga temaba jenjang ajangtetogo, aser ajak senteperbo la iba list nung 12 ben adokogo.
Merkel sülen tanabuba jenjang nung UK Prime Minister Theresa May lir.
May sülen Bill and Melinda Gates Foundation co-chair Melinda Gates lir, shibai la kinungbu Bill den külemi tang tashi nung USD billion 40, linük 100 tashi nung organization balala yaritsü asoshi agütsüogo.
Facebook COO Sheryl Sandberg 4buba nung lir aser GM CEO Mary Barra 5buba jenjang nung lir.
Iba list ya dollars controlled, impact, spheres of influence aser media presence puri adoktsü aser taküm küm nisung 23 tasen bendenloka lir.
Jenjang 19buba nung Ivanka Trump lir, shiba taküm tasen aitertem rongnung jenjang tajungtiba ngutetba tanabula lir.
“Ivanka tetsütanutsü Melania first-lady jenjang nung lir, saka Donald Trump White House nung Ivanka ya tongti shilem agir rongnung ka lir,” ta Forbes-i ashi.
Iba list nung aitsü asoshi asadangba nung, sen, mesera media presence nunger amala nung ajemdaker inyak.

You must be logged in to post a comment Login