Rabada-i mezüngsüa shilem agiba ODI nung hat-trick yanglur

Dhaka, July 10 (Agencies): South Africa nunger Kagiso Rabada-i Bangladesh den tanü Hokolbar nü nungi tenzüka Bangladesh kübok Mirpur nung asayaba One-Day International (ODI) series tetenzükba asaya nung hat-trick yanglua otsü tasen yangluogo.
S Africa teloki tanü overs 36.3 nung runs 160 yangluba Bangladesh madak takok ngua liasü.
S Africa tenüng nung ODI asaya nung shilem agir asayar 114 buba, Rabada-i tan mezüngsüa par linük tenüng nung ODI asaya nung shilem agidang hat-trick yanglua mezüngsüa shilem agidang hat-trick yanglur S Africa asayar tanabuba akümer lir.
Ano, külem sensopur Charl Langeveldt-i 2005 küm West Indies den asayadang aser JP Duminy-i Sri Lanka den taküm 2015 küm tetenzüklen asayadang hat-trick yangluba densema, Rabada ya par S Africa telok asoshi ODI hat-trick yanglur asayar tasembuba kümogo.
Rabada-i tanü runs 16 agüja wicket 6 tashi agiba ajanga West Indies asayar Fidel Edwards-i runs 22 agüja ODI wicket 6 agiba otsü ajangteta mezüngsüa shilem agidang ODI runs tajemba agüja wicket timba agir kümogo.