Rahul Gandhi-i US ketdangsertem ajurua kiralongra onük jembi

New Delhi, Aenjeti 19 (Agencies): Congress Party Tir, Rahul-i American ambassador to India aser South & Central Asia US’ Acting Assistant Secretary of State na ajurua kiralongra aser alima tebilemtsü onüktem nung o lemtepa liasü, ta osang ka ajanga ashi.
Rahul Gandhi-i Acting Assistant Secretary of State for South & Central Asia, Alice Wells aser US envoy, Kenneth Juster na New Delhi nung ajurua senden amenba sülen pai parnok külemi tangokba noksa ka pa indang Twitter account ajanga lemsatep.
Iba senden amenba sülen pai twitter ajanga, “Assistant Secretary of State for South & Central Asia, Ambassador Alice Wells aser US Ambassador to India, Kenneth Juster na ajurua linük ana (US-India) tesendaktep, regional aser alima dak sendakba onüktem nung o lemtepogo,” ta metetdaktsü.
Senden nung Rahul Gandhi-i, Congress party-i rara aser kiralongra nokdangtsü atema inyaktsü, iba den külemi tesünep atema inyaktsü, ta metetdaktsü.
Osang angazükba agi, senden nungsa Rahul-i India aser US na multi-dimensional partnership aser strategic engagement atema jembiogo.