Railway Minister Suresh-i Japan PM Shinzo Abe den ajurutep

New Delhi, September 9 (Agencies) : India-i Japan sorkar aser company tem dang Indian Railways tasen küma yanglutsü and aser technology ajungkettsü atema teyari meshiogo, ta ketdangser kati tanü metetdaktsü.

Railway Minister Suresh Prabhu-i anogo asemnü Japan semdangdang, Japan Prime Minister Shinzo Abe den ajurutep aser Indian rail network atema senotsü aser technology teyari meshi, ta Railway Ministry-i sangdong ka nung metetdaktsü.

September 7 aser 9 tsüngda Prabhu-isa Japan nunger tongti ketdangsertem den ajurutepogo, ta sangdong nungsa shia lir.

India nung infrastructure investment asütsü atema tongtipangtibaji railways lir aser Japan-ia iba nung ajemoka inyaktsü jaoker ta Prabhu-i Japan dang ashi.

“Olemtep balala alidang Japanese railways aser Japanese company temi Indian railways kübok modernisation aser technology up-gradation mapatem nung shilem agitsü indang onük lemsatep” ta Railway Ministry-isa metetdaktsü.

“Japan-i Indian railways nung zero-accident mission nung yariteptsü aser high speed railways (HSR) yanglutsü atema teyari agütsütsü mulunga agizük. Anotrain aser railway station tem nung metsümeshidak tajung yanglutsü atema Japanese expertise & technology amshitsü telemtetba agi” ta sangdong nungsa shia lir.