Rev.Dr. Nuklu Longkumer-i Chumukedima Ao Baptist Arogo tenla ki tasen meshiteta lapoktsü

Dimapur, October 14 (TYO): Chumukedima nung Ao Baptist Arogo 1976 küm October 10 nung tenzük.
Iba mapang nungi Tenla ki pezü tashi melentepa tekülem agia aruogo. Chumukedima ya kanga karaa ainba yimti ka lir aser yangi Aor küm shia nübo jenti renloka aruba agi Tenla ki tasen ka 2008 nungi yanglutsü tenzüka liasü.
Iba Tenla ki tasenji renemer October 14, 2017 nikongdang 3:00 ako nung ABAM nungi Church & Mission Secretary Rev.Dr. Nuklu Longkumer-i meshiteta lapoktsü.
Sentong nung Dimapur area Ao Arogotem aser Chumukedima area Arogotem ajak nungi teshimtet nübotem arua sentep kanga longsoa agi.
Kima nung agiba sentong lennirji W. Bendang (Arogo Secretary) aser Tenlaki telung nung agiba sentong lennirji Associate Pastor, Aomar liasü.
Sentong nung Chumukedima Ao Senso Telongjem Tir, Limakumzuk-ia tayongzükba o jembi aser Rev. Dr.Nuklu Longkumer-i Tsüngrem O jembia liasü.
Iba Tenla kidang nisung 2500 tashi amentsü akok aser fan tulu asem agi kilung peria mopung agütsür.