Ridley Scott nem BAFTA Fellowship agutsütsü

London, Tsüklai 02, 2018: British Academy Film Awards sentong nung film yanglur, Ridley Scott nem Fellowship awards agutsütsü, ta British Academy of Film and Television Arts (BAFTA)-i metetdaktsü.
“Blade Runner 2049”, “All the Money in the World”, “Hannibal” aser “Black Hawk Down” film tem direct asüsang, Scott-i küm 40 tashi Entertaimnet Industry nung shilem tajung agia aruba atema pa nem iba tetushi sempet agütsütsü.
Scott-i feature films 25 atema inyakogo aser pa BAFTA nominations 5 aser Oscar nominations 3 atema shima liasü.
“Iba industry nung ajemoka inyakba ya ni asoshi maongka ka lir aser kü mapa atema tetushi agutsüba ya kanga tepelatsü,” ta pai metetdaktsü.
Iba sentong ya Tsüklai 18 nü London nung aliba Royal Albert Hall nung agitsü. Tang mezüng Actress, Joanna Lumley-i iba sentong ketdangsütsü.
Tamalen iba awards agizüker rongnung- Mel Brooks, Charlie Chaplin, Alfred Hitchcock, Steven Spielberg, Sean Connery, Elizabeth Taylor, Stanley Kubrick, Anthony Hopkins, Laurence Olivier, Judi Dench, Vanessa Redgrave, Christopher Lee, Martin Scorsese, Alan Parker, Helen Mirren aser Sidney Poitier nunger densema lir.