Royal Enfield Himalayan Sleet Edition India nung sayaogo

Aenjeti 12, 2018 (Agencies): Anogo eshika mesüshiba sülen Royal Enfield ajanga adventure touring model, Himalayan sayaogo aser iba motorcycle jenjang sen 2,12,666 (on-road Chennai) alitsü. Himalayan Sleet mezüng unit 500 nung Explore Kit dener alitsü, koba nung Royal Enfield indang genuine motorcycle accessories alitsü, ta company ajanga sangdong ka nung ashi.
Oset tabensa aliba Himalayan Sleet ya aenjeti 12 nungi Aenjeti 30 tashi online nung ajanga dang alitettsü, ta company ajanga shisema lir. Iba motorcycle alitsü jangrartemi company indang website nung register asütsüla aser iba bike ayokba ya Aenjeti 30 nungi tenzüka ‘first-come-first-serve’ yimya nung ayoktsü, ta Royal Enfield ajanga ashi.
Himalayan Sleet Explorer Kid nung aliba Genuine Motorcycle Accessories nung 26-litre water resistant aluminium panniers, off-road style aluminium handlebar den tashi taitba kümdaktsütsü atema cross brace, handlebar end weight aser powered-coated finish engine guard amala osettem alitsü.
Iba bike nung 411cc air-cooled engine lir, koba ajanga 24.5 bhp aser 32 Nm torque agütsür aser 5-speed transmission keta alitsü. Iba bike nung counter-balancer keta lir, koba ajanga Enfield motorcycle tem nung aliba ‘vibration’ samadaktsür.
“Himalayan Sleet tasenba ya Royal Enfield indang ‘spiritual home’ – Himalayas nungi agizüka yanglu, koba nung lisa memetem, longren lir, tenem talak kanga taju aser sentsüa yamaji lir,” ta Royal Enfield Tir, Rudratej Singh ajanga ashi.