RPF & MNPF nati sepaitem amakba tenüng agir

Imphal, November 17 (Agencies): Manipur kübok Chandel district nung khatepba atema telungpur telok anati tenüng agia osang metetdaktsüogo.
Iba lendong nung Army jawan ka aser telungpur ka asü.
Yasüng Revolutionary Peoples Front (RPF) aser Manipur Naga Peoples Front (MNPF) nati sangdong ka agütsüba nung India-Myanmar arrtsü anasa 4 Assam Regiment sepaitem den khatepba atema tenüng agiba metetdaktsü.
Bodbarnep khatepba nung sepaitemi telungpur ka apu, ta parnokisa sangdong nung shia lir.
Chamol yimtsüng nung khatepdang Army jawan ka den telungpur ana khaset. Iba tatalokba nungsa telungpur asem aser jawan ka yiru, ta police-i metetdaktsü.
Brihostibarnü police-i nisung ana asü ta osang jangjashitsüogo. Tasüsangji Jharkhand nungi rifleman Jai Prakash Oran liasü ta parnokisa shisem.
Hopta ka tsüngda Revolutionary People’s Front (RPF)-i anabenbuba sepaitem anema mapa inyakogo.
Hombarnüa RPF-i Man Mani tesem nung IED pokdaktsüba atema tenüng agiogo. Iba lendong nung Assam Rifles jawan ana khaset aser trok yiru.