S. Korea nung taoba itangiter tekolakba pua lir

Seoul, November 17 (Agencies): Tim masüba lenmang ajanga senotsü agizüka taoba South Korea Tir, Park Geun-hye yari, ta aija alir aser taoba mapang itangiter tekolak ana South Korea police temi puogo.
Mitkartem indang senbong nungi sen million $3.6 (£2.7 million) agizüka pai ajangzüktsü aser tim masüba lenmang nung amshi, ta aitsüba ken o nung ajemdaker Nam Jae-Joon aser Lee Byung-Kee na apu.
Parnoki ozüng alema mapa meinyak aser senotsü agütsüba ya tim dang lir, ta parnoki ashir.
Senotsü ochimashi amshiba, linük ka yimden tashi mezüngmeshia amshiba aser miim sentongtem temai adoktsüka ken o nung Park ya aija küm tetenzüklen menden nungi atsüngdok.
South Korea mitkartemi pua aliba nisung ana ya National Intelligence Service nung 2013 aser 2017 nung tekolakba inyaka liasü.
Iba mesükba ken o nung Park yarir Ahn Bong-geun aser Lee Jae-man na ita tetenzüklen pua lir.
Nam Jae-Joon aser Lee Byung-Kee nati mapang shia senotsü teyari ya agitsü, ta nangzük saka tir-i teyari meshiba nung ajemdaker agütsü, ta ashir.
Linük nung ochimashi inyakba anema raratsü nangzükba sülen Tir Moon Jae-in ya Park melena shim.