Saina Indonesia Masters final-i iogo

Jakarta, Aenjeti 27 (Agencies): Tang tasayadak Indonesia Masters tetsür kija badminton asaya nung Saina Nehwal-i World No. 4, Thailand tsür Ratchanok Inthanon koka final-i iogo.
Saina-i Indonesia Open asemben tashi koka lir aser taküm semifinal asaya nung lai Ratchanok 21-19, 21-19 agi kokogo. Tena tsüngda asaya minute 48 asayaa liasü.
Saina aser Ratchanok na tsüngda tang tashi asayaa aruba nung Saina-i 8 ben aser Ratchanok-i 5 ben ta koka lir.
Final nung Saina-i Chines Taipei tsür World No. 1, Tai Tzu Ying mesera China tsür He Bingjiao den asayatsü.