Saksalema Sarasademang

“Tatitang nung metsüktsü nenoki saksalemang aser sarasademang” Mt. 26:41

Yisui Peter, Yakob aser Yohan Gethsemane tsüki anir atu. Pai ashi “Kü den saksalema liang” saka meyipa arunung mejanger angu.
Yisui tembar teyari kanga nüngdakba mapang liasü. Iba den tatsüka lir parnoki kechi ajurutsü meteta alinung saksalema alitsü ashi. Saka parnoki saksalema melitet nung Yisu toktsür jenshitsüsa aser ano Peteri asemben menangzüktsüsa ajuru.
Peteri pa taküm nung ajangshia aruba nungi Khristantem dang kümdangtsü asoshi yamai zülu; “Teshisadang liang, saksalema liang! Arua aliba molusungzü ama nenok anemer mojing shibai meyoktettsü pa bushia senzüdaki” (1 Peter 5:8.)
Tanü alima nung ashioktsüba tashi kanga tulu lir. Na tera züba alira ta asüdang nai memeteti iba tashi nem kokdaktsür aser tsüker. Saksalema aliba jagi kechi arur ngudaktsür aser sarasadem jagi iba tatidang nokdangtsü tashi agütsür. Sarasademji asen sobutsü kümdi.
Ya meteti “…kechiaser alima nung aliba dang nungi, nenok dak aliba taoba” (1 Jn 4:4.)
Sarasadem: Mapang ajak nung saksalema aliba taküm ni kümdi. Amen