Salman Khan-i TV series ana ajanga tanur peladaktsütsü

New Delhi, July 13 (Agencies) : Salman Khan-i special TV series ‘Selfie Le Le Re with Kris and Salman’ aser ‘Bheem aur Bajrangi Bhaijaan’ ajanga tanurtem alima nung shilem agitsü.

Iba sentong nung pai film nung shilem agiba aser nüngtugu actor ka akümtsü atema tesayubatem agütsütsü.

TV series ana nung Salman-i nisung tamajung madak takok ngua sayutsü aser ano superstar akümtsü atema tesayuba agütsütsü. Iba sentong ya POGO aser Cartoon Network channel tem den yaritepa tenzüktsü.

‘Selfie Le Le Re with Kris and Salman’ ji July 18, 2015 nü Cartoon Network nung tenzüktsü aser ‘Bheem aur Bajrangi Bhaijaan’ ji July 19, 2015 nü POGO nung tenzüktsü.

Salman indang sayatsü aliba film ‘Bajrangi Bhaijaan’ jenjang ajungketba nüngtem nung TV series ya tenzüktsü. ‘Bajrangi Bhaijaan’ nung Kareena Kapoor Khan aser Nawazuddin Siddiqui natia shilem agir.

‘Bajrangi Bhaijaan’ ya nisung ka India nungi Pakistan tashi o temeli tatsük aser narong jaker tetsür ka anir aoba indang otsü lir. Kabir Khan-i direct asüba film ya Hokolbarnü sayatsü sentong lir.