Samsung phone tem, 11K ‘super-resolution’ keter yanglutsü

New Delhi, July 11 (Agencies): 4K aser quad HD keta aliba smartphone ya joko ajenzüka yutsütsü kechiba süra South Korea nung Samsung teloki ‘super-resolution’ keta aliba phone yangludar aser item phone nung 11K resolution dena alitsü.
Iba project atema Samsung-i South Korea sorkar den lokteper US sen million 26.5 inoka lir aser tanga company 13 dena iba phone ya küm pongu tsüngda nung yangluzüktsü terenemba lir.
11K resolution ya ajanga 2250ppi density agutsütsü aser phone screen nung noksa temji kangasa jangja angutsü aser aji dang masü 3D repranger amai asütsü saka tenük aina mekaloki reprangtettsü.
Super-resolution display ya inch 5.74 alitsü aser iba indang resolution ji 11,264 X 6,336 alitsü.
HD display ajanga 1080p resolution agütsütsü, quad HD ajanga 1440p resolution agütsütsü aser 4K display ajanga 806ppi density agütsütsü aser item phone tem yabo 2016 nung sayatsü.
Samsung Display Base Technology Department nung executive director Chu Hye Yong-i “Iba 11K phone ya tamshirtem atema ‘feature’ tali amai bilemtsü saka Korea nunger display industry atemabo iba ya tarutsü atema mera tasen tamendakdak ka amai asütsü,” ta ashiba Mashable osang ajanga metetdaktsü.
Pixel tali süra tashi tali nüngdaker ta temulung nung yur, onoki Samsung smartphone 11K ya tarutsü nung tashi agi titeta amshiba aser tang amshiba battery agi koka amshitetsüsa yanglutetstü imlar.