Sania Mirza-i India International Jewellery Week nung shilem agitsü

Mumbai, July 31 (Agencies) : India nunger tennis asayar mongin Sania Mirza-i India International Jewellery Week (IIJW) 2015 mapang designer Moni Agarwal atema tongti shilem agitsü.
Sania-i Agarwal indang Zohrakshi jewellery collection sayutsü.
“Zohrakshi ji kü tebilemba yanglukyangri ajanga sayuba lir. Onoki sentiosettem yanglubaji tanü tetsür dak ajemdaker purapiteta yangluba lir aser iba nung Sania kanga tesütep lir,” ta designer Moni Agarwal-isa metetdaktsü.
Agarwal-i lai purapitetbatem stage nung sayutsü yongyar.
“Küm shia ni IIJW nung shilem agir aser taküma Zohrakshi collection sayutsü yongyar. Ni amala designer tem asoshi IIJW ya sabang tajung ka lir. Iba sentong nung ni kü tajungtiba agi sayuteter aser iba anogo atongtsü yongyar” ta laisa shisem.