Sanjay Dutt taküm otsü film nung Ranbir tebütsü Kangana adoktsü

July 30, 2015: 2006 küm Kangana Ranaut-i Gangster film nung kanga junga shilem agitetba ajanga nüburtem kanga süngmangdaktsüogo. Aji oda süaka tia makai iba sülen lai shilem agiba film tem la sempet ajungba den meputepba ajanga kanga nüngtugu maküm. La dak aliba shitakba sempetji Vikas Bahl-i ajiteta la ‘Queen’ film nung shilem agidaktsü aser bilemba ama Himachali tsür, Gangana iba sülen nüngtugu aküm.

Lai National award ana nguogo aser la aikati meteta kümogo.

Lai Rani Lakshmi Bai taküm otsü nunga shilem agitsü aser tang jembia aruba osang ka shitak atalokra Sanjay Dutt taküm otsü nung lai Maanyata ama shilem agitsü sentong lir. Bollywoodlife.com ajanga metetdaktsübaji shitak süra iba otsü nung Kangana ya Ranbir tebutsü ama adoktsü. Iba ya tena asoshi külemi shilem agiba mezüngbuba film asütsü.

Rajkumar Hirani-i direct asüba film nung ya Ranbir Kapoor-i Sanjay Dutt mesüka shilem agitsü.

Aji oda süaka tanga tashi nung Kangana-i shilem agitsü atemaji ano tatembang kati arua mejembi-i lir.