Sarasadem nung tashi lir

… Kati ka asoshi sarasademjang; Temeshipuri sarasademba nung aser inyakba nung tashi lir. Yakob 5: 16(b).
Tsüngremer tenangzükbaji asenoki dang meshiteta sarasadema lira Tsüngremi langzütsü. Iba tenangzükba nai koda agir? Aseni ashitsü akok, “ni sarasademer saka telangzüba kecha mangur.” Iba tia ya ajurudang Tsüngremer tenangzükbaji tiazü mesüra tamakoktsü ta ashir asü? Mesüra pei taküm khen meyipa repranger?
Temeshipuri nentaka sarasademba nung telangzüba angur. Kodang nentaka sarasademba indang jembidir mezüngbuba nung mela mela metoktsüba ta angatetdi. Tanabuba nung kechi nüngdak atema mapang peria agütsua sarasademtsüla, Tasembuba nung Kotaker Tebu Tsüngrem dang nüktzü yima, temulungjang aser tanela ajak agi sarasademtsüla. Pezübuba nung Tanela Temeshi teyari aser Pai mulungba ama sarasademba.
Mapang ajak nung asen mulungjang Tsüngrem nem bendanga aguja sarasademra telangzübaji angutsü. Aseni pei sasa meshia bilemba aser Tsüngremi aginüba temeshibaji balala.
Nai bilemba, ne mapa, ne teshisadangba Tsüngrem tsüngdang shitak aser merükteta lir mali reprangang.
Sarasadem : Sarasadem nung tashi lir ta metettsü ni meshiteta Nai mulungba ama sarasademdi. Amen.

You must be logged in to post a comment Login