Sarasadem nung tenokdangtsütem – Efesa 6:10-20

“Sarasadem nung akangakanga maneni liang aser idakji tenüngsang agütsüba den saksalema liang.” (Kolosi 4:2).

Sarasademi Tsüngrem raraba nok-o-nü chiradaktsür (Efesa 6:13-18). Anungji Satani asenok sarasadem nung tashi meitdaktsütsü aser asen tebilemba tezüleni odaktsütsü asoshi Pai akoktsüba mapa ajak inyaker.
Sarasadem nung temang, tanela aser tebilemba ajak adener. Yisui aiben sarasademtsü asoshi anepdang züngiya aliba mapang agitet. Iba mapang Pai Tebu den telungjem agi aser iba anogo asoshi tashi meshi. Hudson Taylor (1832-1905) shibai China Inland Mission mesemtet, pai anogoshia anü madok dang ghonda 2/3 sarasadem mapang agia liasü. Anüi pa apudaka sarasadembaji mangu ta kuli asü.
Sarasadem tetezü Taochi Chuba Mendeni aoba lir. Khrista azü ajanga kasa jagi atutsü asenok nem lemang lapokja lir. Khrista azü nung aketba ain tajangzük metetba ajanga asenoki tsükchir anema sarasademba tajemmetdak akanga kümdaktsür. Asenoki kodang Khrista azü tashi nung sarasademdir aser temenen nangzükdir Satani atentener (Ibri 4:14-16; J. Adok 12:11).