Sarasademer saka mamanger

Lai Peter ola angateta, tepela agi kishiji melapoki asema ao aser Peter kima noktaka lir ta parnok dang ashi. Parnoki la dang ashi, “Na yiamatar,” saka aji atangji ta lai nenshia ashi. Saka parnoki ashi, “Ibaji pa tanela asütsü”. T. Mapa 12: 14-15.
Nai sarasadem süaka nü mulung nungbo mamangba mapanga ajurutsü. Peter tepuokdak yua liasü. Tamangertemji pa chioktsü parnok dak tashi aser lenmang kecha mali asü.
Anungji parnoki sarasadem. Kodang Tsüngremi Peter chioka kishizüngi aru parnoki mamang. Parnok rongnung kodaser pa chioktsü tajembi.
Nisung ka sarasademba taküm asütsü akok saka iba telangzüba Tsüngremi agütsüdang mamangtettsü. Nai meshiba agütsüdang mamangtetba takümji na asütsü akok. Na aoksatsüsa nü tamang tashi meiti ali asü? Tsüngrem chir ka ama nai Tsüngrem nungi telangzüba angutsü teti amanga alitsüla. Nai asentenshi atema sarasademra amangang, nai taneptsü atema sarasademra amangang, nai temelenshi atema sarasademra amangang. Tsüngremi Iangzüba agizüktettsüsa nü tamang ulua liang.
Sarasadem : Mapang ajak nung Nü dak amanga aliba taküm ni kümdakjang, Oh sarasadem langzüsang Tsüngrem. Amen.