Sarasademi Tsüngremer nükjidong metetter

“Aser anepdang sangwatsü talangka lia, Pa shishir, azüngmeyakdak kati aenshia ao, aser yangji sarasadem.” Mk. 1:35
Yisu sarasademdak anepungi sarasadem dak angutsü ta nütsüng ajaki metetta liasü. Kodang parnoki Pa nungdaker parnoki sarasademdaki ao. Kodang Yihudai Yisu ashioktsü, pai tsükchirtem sarasademdaki anir ao.
Mapang ajak nung Kibuba Yisui tongtipang telemtetba agitsü asüngdang, pai sarasadem. Kodang pa dang Tebui mulungba ama masü alimai mulungba ama inyaktsü atitang, pai sarasadem (Mtt. 4). Kodang pa nütsüngtem shimtsü mapang aru, Pai aonung tepiyong sarasadem (Lk. 6:12). Tsüngren Chiri Tebui mulungba metettsü asoshi aonung tepiyong sarasadem asü süra, asenoki Tebui mulungba metettsü asoshi mapang kobika agitsü?
Yisu teti teloki nungbanga ali nung pa Tebui jembiba tejangja angashitsü asoshi azüngmeyakdak ka nüngdak ta Pai metetta liasü. Aikati Pa tebilemba melenshidaktsütsü meranga liasü. Pa nütsüngtemi Pa lokti alidaki odaktsünü (Mk. 1:37). Lokti Pa chuba kümdaktsünü (Yn.6:15). Satani pa den hai-aura kadaktsünü (Matt. 4:3, 6,9). Yisui pa tenyaba mapaji telok atsüa arutsüba masü, saka pa Tebu dang tashi angaa alitsüba ta metetta liasü. Sarasademji Yisu tenzükba mapa asoshi tongtipang liasü (Lk.6:12). Sayatenya dang tama sarasademji aor (Yn.11:42-43); sarasademi koda masüba mapang tasü itdaktsür (Lk. 9:28-31); sarasademi Pa kangki atutsü tasü itdaktsü (Lk. 22:41-42); timtem liaka sarasademi Pa idakji lidaktsü (Lk. 23:46). Kibuba tatishitsü Tsüngrem den liang, aser ne taküm nükjitongtem Pa nem metetdakjang.

You must be logged in to post a comment Login