Sasep Rongsensü

Leader : Taküma tamalen ama to ozü Department sasep rongsensü to tonga aruogo. Saka taküm kümbo tanüngba osettemji taruba kümji dang sarutsü, aji asüng asen arogo nunger kibong shiai akok tashi POSTA dang merangtepa agütsüdaktsünür.
Arogo nunger : Are kechiba ajibo nenok tajangzük kangabo malitsü ato.
Y.M : Aji shidak, saka takümbo onok income masü timtemer dang yaritsü mapa adoker.
Arogo nunger : Süra posta jagi timtemer koda yaritsüba, aji ayok nung sen kwi ajangzüktsü?
Youth : Sen agi masü mapa agi yaritsüba meshir dangar, odang akok tashi anünga meyue tenlaangma ta mepishir.
Arogo nunger : Ya-a ajikela Asso. Pastor youthba kidang aliba dang masü dokan nunga meshir arokoshia agütsütsüar saruangmai, saka nenok nüngdakji angatetnür ati.
Asso. Pastor youth: Aya ozü tsürapurtem nenoki yamai angatetnüba tejangraba angudang kanga pelara. Anungji onok mission teinyaktsüji rakpoka shiti, yamai ati ali shi temang teimtema masü, makamait khureta masü, saka onok lanurtem sentepdang khuret pelaba lemsatepbaji, tamalen Rev. Alemmeren mapang kaket tila zülujang tulu to jangratema adok, tanaben ano iba dang tuluba ka adok, tasemben staff notation tena ka dok.
(Maneni taruba adok nung…)