Saurav o Josna na National Squash Champion kümogo

Saurav o Josna

Thiruvananthapuram, July 13 (Agencies): Saurav Ghosal aser Joshna Chinappa nati tebur aser tetsür final asaya akokba sülen 63 buba Senior National Squash Champions yashi Deobar nü kümogo.

Saurav-i yashi points 8-11, 4-11, 11-6, 11-7, 11-6 ngua defending champion, Harinder Pal Singh Sandhu final asaya nung tsükdakja tanaben tebur national squash champion akümtsü jenjang angu.

Saurav-i tan agi 10 ben buba asoshi national squash champion akümer lir.

Joshna-ia yashi points 11-6, 12-10, 11-5 ngua national junior champion, Harshit Kaur Jawanda final asaya nung tsükdakja tetsür national squash champion akümtsü jenjang angu.

Joshna-ia tan agi 14 ben buba asoshi tetsür national champion akümer lir.

You must be logged in to post a comment Login