SC-i CBI dang mepelar; NHRC-i yariteptsü tuyu

Imphal, Tsüklai 12 (Agencies): Tentonü Supreme Court-i Central Bureau of Investigation (CBI) dang mepelaba metetdaktsü aser ibaji parnoki Manipur nung taila khatepdang nisung tepsetba ken o bushisüngdangba atema lir.
SC-isa National Human Right Centre (NHRC) dang nisung asem mapa lemzükja CBI den iba ken o bushiba tembanga inyakdakjang, ta tetuyuba agütsü.
Taküm Aenjeti ita nunga SC-i CBI aser Special Investigative Team (SIT) na dang ken o tem süoki ia mebushiba atema merenshia liasü.
Justice Madan B. Lokur aser Justice Uday Lalit na adenba bench-i küm 10 tejakdang CBI dang Manipur nung taila khatepdang nisung khasetba ken o tem bushisüngdang asütsü atema tetuyuba agüja liasü.
Extra-Judicial Execution Victim Families Association (EEVFAM)-i Supreme Court nung temepishiba shidi ka benokba nung ajemdaker bench-i iba tetuyuba agütsü.
Manipur nung taoba küm 10 tsüngda taila khatepba tatalokba balala nung nisung 1528 khaset ta EEVFAM-i ashi.

You must be logged in to post a comment Login