Senayangba GHSS o Mayangnokcha GHSS na Inter Sec. & Hr. Sec. School football final asayatsü

Mokokchung, Sept 22 (TYO): Mokokchung District Football Association (MDFA)-i ayongzüka September 21 nungi tenzüka Imkongmeren Sports Complex Mokokchung nung Inter Secondary & Higher Secondary School football tournament asayadaki.
Taküm iba asayamung nung Mokokchung district kübok school 11-i shilem agir aser item rongnung semi-final jenjang tashi atongerji; Senayangba GHSS, Mayangnokcha GHSS, Nagaland Christian Residential School aser Children School tem liasü.
Mezüng semi-final Senayangba GHSS o Children School na asayaba Senayangba GHSS-i goal 2-1 agi Children School pur tsükdaktsü, aser tanabuba semi-final match Mayangnokcha GHSS o NCRS na asayaba MGHSS-i goal 2-1 NCRS madak takok ngua final tongtet.
Sept 23 nü anepdang 10:00 ako nungi tenzüka Senayangba GHSS o Mayangnokcha GHSS na Inter Secondary & Higher Secondary School football tournament final asayatsü sentong renema lir.