Shah Rukh Khan-i University of Edinburgh semdangtsü

Shah Rukh KhanLondon, October 6 (Agencies) : Bollywood actor Shah Rukh Khan-i October 15 nü University of Edinburgh indang New College nung public lecture ka agütsütsü.
“October 15 nü Bollywood superstar Shah Rukh Khan-i University semdangtsü. Bollywood nung nüngtugu actor tem rongnung Shah Rukh ya ka lir aser pai University indang New College nung lecture agütsütsü” ta university official website nung metetdaktsü.
Parnok India den tesentaktep takang lir aser world cinema nung mongin nisung ka pelashishia agizüker, ta University of Edinburgh Senior Vice-Principal, Professor Charlie Jeffery-ia metetdaktsü.
Shah Rukh-ibo iba indang osang ya balaka melemsatep saka Edinburgh University indang official account nung osang ka pai Twitter nung metetdaktsü.
“Bollywood superstar Shah Rukh Khan-i public lecture indang tickets angutsü” ta iba post nung shia lir.

You must be logged in to post a comment Login