Shahid Kapoor aser Mira Rajput na kibong kümogo

July 07, 2015: Bollywood actor Shahid Kapoor aser Delhi nungi alir Mira Rajput na kibong akümtsü indang osangbenertemi olulu aika jembia aliba mapang ka nung tena kibong kümogo.

Social media platform balala ajanga ashiba agi, tena tanep (July 07, 2015) kibong kümogo. Shahid aser Mira na tembar tajung ka kidang nisung 40-50 matsüngdang kibong kümogo.

Iba den külemi sen aika intoka tenati kiyimba party ka ayongzüka Oberoi, Gurgaon nung akatsü.

Tanü 11:00 ako meta tena linük yimtiba, Delhi tezülen farm house ka nung kibong kümogo aser kiyimba sentong nung kinünger aser tembartem dena liasü.

Ano tanga osang ka ajanga ashiba agi Shahid-Mira kiymba sentongji tongmelang  Gurudwara style yimya nung agi aser iba sentong nung Radha Soami Satsang Bease group züngsemtema liasü.

Ano külen Shahid Kapoor’er fan club-i twitter nung kiyimba noksa den osang lemsatepogo.