Shanghai Masters: Nadal o Federer na final asayatsü

Shanghai, October 14 (Agencies): Tang tasayadak Shanghai Masters semifinal nung Rafael Nadal-i, Marin Cilic aser Roger Federer-i, Juan Martin del Potro koka tena Deobarnü final asayatsü asoshi jangjaogo.
Spain nunger world number one asayar yagi tang tashi nung iba asayamung khen danga koka mali, saka tang tashi nung pai kanga junga asayaa arudar. Pai quarter finals asaya nung kanga meranga asayar Cilic madak 7-5, 7-6 (7/3) agi takok angu.
Potro den asayatsüba lir.
Cilic aser Nadal na tsüngda tang tashi nung ponguben asayaba nung Cilic-i khen dang koka lir, saka pai tang asaya nung nadal nem takok atema ayong ayonga mesüi kanga meranga asayadaktsüogo.
Nadal iba season nung tang agi title tenet buba akoktsüba asoshi asayadar.
Kasa mapang nung world number two Swiss nunger Federer-i 3-6, 6-3, 6-3 agi Juan Martin del Potro madak takok nguogo.
Arishi küm 36 tain Federer-i, US Open nung del Potro-i pa tsükdaktsüba atema mang yangnüa liasü, ta ashi.
Rafael Nadal aser Roger Federer na tsüngda tang tashi nung 37 ben asayaogo aser Nadal-i 23 ben koka lir. Tang final asayatsüba nungyaa Nadal-i akoktsü asoshi timla tuluba lir kechiyong pa küm tepiyong kanga junga asayaa arudar.