Sharmila Tagore nem Lifetime Achievement Award agütsü

New Delhi, October 25 (Agencies): Actor tejen Sharmila Tagore nem tetushi Lifetime Achievement Award agütsüogo.
Arishi küm 72 tain actor nem iba tetushi award ya lai cenima nung shilem tajung agiba atema PHD Chamber of Commerce and Industry puri agütsü. Minister of State for Prime Minister’s Office Jitendra Singh aser Delhi BJP chief Manoj Tiwari nati yasüng Siri Fort Auditorium nung senteong ka nung Tagore nem iba award ya agütsü.
Sharmila-i shilem agiba mezüngbuba film ya Satyajit Ray indang Bengali film ‘Apur Sansar’ liasü. Iba film ya 1959 küm yanglu.
La Hindi film nung mezüngbuba shilem agiba film ji 1664 küm adokba Shakti Samanta indang film ‘Kashmir Ki Kali’ liasü aser iba sülen Tagore-i tanga film aika rongnung ‘Aradhana, Mausam”, ‘Amar Prem’, ‘Satyakam’ nungertem nung shilem tajung agi. Lai shilem agiba film tem rongnung koba tesapuba, ta asüngdang dang lai ashiba agi, ‘Aradhana’ aser ‘Amar Prem’ nunger ya kanga nungtugu film liasü, saka Gulzar-i direct asüba film ‘Mausam’ ya la asoshi kanga tongtibang lir.
Lai iba film nung shilem tajung agiba atema National Award, Best Actress nguogo. Maneni 2003 küm Bengali film, ‘Abar Aranye’ nung shilem atema la nem National Award for Best Supporting Actress agütsüogo.
Kasa mapang nung Film yanglur aser sangro mejemer Muzaffar Ali nem arts, fine arts aser literature ajungketba nung shilem tajung agiba atema Special Award ka agütsü. Nüngtugu ken tener Usha Mangeshkar, Prem Bhatia, Kavita Seth, Ankit Tiwari, Rahul Vaidya, Akriti Kakar, Manmeet aser actor Sukhmani Lamba nungera iba sentong nung tushia liasü.