Shibai nüka atar (T.Ken 59: 1-17)

Kodang asenok hotel-i odir, hotel nung inyakertemi asenok nüka atar. Parnoki asenok memetet aser asenokia parnok meteta mali, saka parnoki asenok teti metetta ali ama repranga nüka alir aser asen nüngdak aseni meshiba ajak parnoki bener arutsür.
Iba ken nung Dawid-i Sauler nisungtemi par ki nüka aliba indang zülu. Parnoki pa pur tepsetnü. Saka Dawid Kibuba nung pelaa liasü. Lendong mapang ka nung pa ken tena liasü. Aser taochi asoshi pai Kibuba dang ayimten.
Tsüngremi na atema kechi inyak iba jagi Tsüngremji kechi aji mulungtettsür. “Saka nibo ne tashi indang atentsü” (T. Ken.16). Dawid-i Tsüngremji tashi Tsüngrem ta metetta liasü. Saul-i pa matsüngtoktettsü. “Ne taochi asoshi ni tashi agi ken atentsü” (T. Ken.16). Ajak dak alia Dawid-i aji nüngdaka liasü. Tsüngrem taochi asenok anogo tepiyong sottsü asoshi asenoki sarasademtsü nüngdak. Dawid-i anepdang taochi angu (T. Ken.16). Kibuba dang ken tena aser Pa taochi dangi oa nü anogo tenzükang.
“Oh kü tashi, ni nü nüngsang ken atentsü, Oh Tsüngrem, na kü mitsa, kü dang meimba Tsüngrem” (T. Ken.17). Item otem jenokdak aser temulung lemtsü o tem lir. Kodang Tsüngrem nü Ain südir, kodang Tsüngremi ne nem taochi agütsüdir, kodang Tsüngrem ne Tashi aser jenokdak südir, idangji nai tsükchir ajak den ajuruteptettsü. Nai tia ajak ajurutettsü, kechiaser Tsüngremi item ajak ajanga na anüktsü.
Tsüngremi ne tamang yari langzütsü aser Pa taochi agi na awabangtsü. Lendong mapang nung ken tentettsüsa ne tamang asü? Asüng nai tetsübutsü tensa ajurudang, Kibuba dak amangang. Pai na awabangtsü aser ne tsükchirtem nungi na kümzüktsü.

You must be logged in to post a comment Login