Shisaliok agi anüngba ajanga arasenba nung amanger: Das

Ranchi, August 10 (Agencies): Tawa Jharkhand, Ranchi nung arasenba mapa benshirtem ta aija tetsür pongu tepsetba tatalokba dak sentakba nung tanü Jharkhand Chief Minister Raghubar Das-i, shisaliok agi anüngba ajanga nüburtemi arasenba nung amangteper, ta ashi.

Iba tebilemtsü ya koktettsü atema tanur ajak nem shisaliok agütsütsü asoshi mera agia inyaktsüla, ta tanü Ranchi nung ‘World Advivasi Day’ sentong nung Chief minister Das-i ashi.

Shisaliok agi anüngba ajanga item ama ya ataloker, taruba putu ajungtsü atema tanur ajak nem shisaliok agütsütsüla, ta Das-i jembiba oji official sangdong ka ajanga metetdaktsü.

Mapa manguba tebilemtsü ajanga nüburtem tangaleni aoba ya tebilemtsü onük ka lir, saka state nung large & small industries lapokba sülenbo tensa tajungba kümdagi, ta Das-isa ashi.