Al-Arish, July 09 (Agencies) : Egypt anüdoklentip tsütsü Sinai Peninsula nung police ketdangser 20 shi tanü Brehostibar nü yiruba osang jangjaogo ta sorkar ketdangsertemi metetdaktsüogo.
Police ketdangsertem aniba bus aser parnok meinba mitkar armoured gari densemba gari convoy kati lenmang tezülen yutsüba bomb ka nung menüngshia lendong ajuru aser idangji police ketdangser 20 shiji yiru ta parnoki ashi.
Parnokisa ashiba agi, tanü yiruba police ketdangsertemi sodi agitsü tenzüka al-Arish jila toktsür pei talidak bushia aotsü tenzükang tanü lendongji ajuru.
Osangbener den tan atalokba amala osangtsüsang lemsateptsü temela agüja maliba yong parnok tenüng memetetdaktsütsü nangzüktepa sülen ang ketdangser ajungai tanü lendong den sentakba osangji lemsatepa liasü.
Ano külen, tanü lendong atalokdaktsüba asoshi telok shingaia tang tashi nung tenüng agia metetdakja mali.
Sinai nung police ketdangser 20 yiru added by asungba on
View all posts by asungba →
You must be logged in to post a comment Login