Sindhu, Saina, Srikanth, Sameer 2buba round-i iogo

Tokyo, September 20 (Agencies): Tawa Korean open koker alila P V Sindhu-i maneni junga asayaa Japan Open Super Series tetsür kija asaya nung Japan tsür Minatsu Mitani koka tanabuba round-i iogo. Sindhu-i mezüngbuba round nung Mitani madak 12-21 21-15 21-17 agi takok ngua liasü. Lai Korea Open nunga quarter final nung Mitani tsükdaktsü. La tanabuba round nung World Champion Nozomi Okuhara den asayatsü, aser iba ya tena tsüngda asayamung asembuba nung atonga tasembenbuba asayar asütsü.
Tena Glasgow World Championship final aser taoba Deobarnü Korea Open final nung, ta asayaogo.
Saina tebi nung timtem aliba ajanga taoba hopta Korea open nung shilem magi liasü, saka la tang Japan Open nung shilem agitetea lai mezüngbuba round nung Thailand tsür Pornpawee Chochuwong 21-17 21-9 agi kokogo. La tanabuba round nung Olympic champion Carolina Marin den asayatsü.
Srikanth shibai taküm Indonesia aser Australia open kokteta lir, paia tebur kija asaya mezüngbuba round nung China nunger asayar Tian Houwei 21-15 12-21 21-11 agi kokogo. Pa tanabuba round nung Hong Kong nunger asayar Hu Yun den asayatsü. Tena tsüngda tang tashi asayaa aruba nung anaben ben koka lir.
US Open Grand Prix Gold Champion H S Prannoy aser Syed Modi Grand Prix Gold akoksang Sameer Verma natia mezüngbuba round nung tena tata asayaa koka tanabuba round tongtetogo.
Prannoy-i Denmark nunger asayar Anders Antonsen 21-12 21-14 agi akok aser tanga asaya ka nung Sameer-ia Thailand nunger asayar Khosit Phetpradab 21-12 21-19 agi koka liasü.
Prannoy taruba asaya Chinese Taipei nunger asayar Hsu Jen Hao aser Hong Kong nunger Ng Ka Long Angus na takoker den asayatsü.
Kasa mapang nung Sameer-a France nunger Brice Leverdez mesera China nunger Shi Yuqi den taruba round nung asayatsü.
Ajisüaka Sameer teti Sourabh, iba asayamung nung China nunger asayar Lin Dan-i 21-11 15-21 13-21 agi tsükdaktsüogo.
Maneni Singapore Open champion B Sai Praneeth mezüngbuba round nung kanga meranga asayar Korea nunger asayar Lee Dong Keun-i 23-21 17-21 14-21 agi tsükdaktsüogo.
Tarep asayar Satwiksairaj Rankireddy-a Ashwini Ponnappa den külemi tarep temeyoktep asaya nung Thai nunger Tinn Isriyanet aser Pacharapun Chochuwong na 21-17, 21-13 agi koka tanabuba round-i iogo.
Ajisüaka Satwik aser tebur tarep asaya nung pa partner Chirag Shetty na Indonesia nunger asayar Marcus Fernaldi Gideon aser Kevin Sanjaya Sukamuljo nati 25-27 15 -21 agi tsükdaktsüogo.
Maneni tebur tarep asaya nung Manu Attri aser B Sumeeth Reddy nata Chinese Taipei nunge tarep, Lee Jhe-Huei aser Lee Yang nati 18-21 15-21 agi tsükdaktsüogo. Kasa mapang nung tetsür tarep asaya nung Ashwini aser N Sikki Reddy na Korea tsür Chang Ye Na aser Lee So Hee nati 21-17 21-12 agi kokogo.