South Korea aser Israel tsüngda tesentaktep akanga lir

Jerusalem, December 5 (Agencies): South Korea nung Israel pusemer aika akümer ta International Fellowship of Christians and Jews (The Fellowship) founder & president, Rabbi Yechiel Eckstein-i ashi.
“South Korea nung asen medemertem ajurutepdang ni kanga pela aser parnoki Israel aser Yihuda nunger pusemba tang tashi taitba lir” ta Eckstein-i ashi.
2012 küm semdangba sülen Eckstein-i tang ang South Korea semdanga liasü.
Eckstein-i apu akangshitsü atema Korean Peninsula semdangdang South Korea yimtiba Seoul nung Khristan lennirtem aser arogo züngsemtem den ajurutep. Paisa The Fellowship indang local office semdanga liasü.
Eckstein-i Joyous Church, Sungrak Church, Yeshua Church aser Eagle Christian School nungi Khristantem den ajurutep. Item züngsemtem yagi Israel pusemer aser parnok züngsem ajak agi meyirjang aika lir.
South Korea nung nütsüng yongsük million 50 shi ka nungi shilem 20 ji Protestant tem lir aser iba nung Israel pusemertem aika dena lir, ta The Fellowship-i ashir.
The Fellowship kübok South Korea nung Israel pusemertemi aliyah program atema sen aika tenla agütsüogo aser iba mapa ajanga France, Ukraine aser linük 24 nungi Yihuda nungertem Israel-i anir aoer.
1948 küm Israel tentetba sülen nungi South Korea-i iba linük pusema aru aser 1962 küm official süa pusemba metetdaktsü.
North Korea-i South Korea aser Iran-i Israel samatsütsü ta amokmerena arur aser iba jagi linük ana tsüngda defense den külemi renewable energy, science aser technology maparen nung tesentaktep yua lir.