Special Summary Revision of Electoral Roll 2016 atema senden agi

October 19, 2015 nü Hotel Japfu nung Special Summary Revision of Electoral Roll 2016 senden alidang CEO Nagaland Sanjay Kumar, IAS-i o jembiba angur.

Dimapur, October 19 (TYO) : Election Commission of India (ECI)-i Electoral Roll merüktettsü tetuyuba agütsüba nung ajemdaker CEO Nagaland den state level telok aser Tribal Hoho nungertem külem senden ka October 19, 2015 nü agiogo.
Iba senden ya Special Summary Revision of Electoral Roll 2016 atema liasü aser Hotel Japfu nung ayongzüka agi.
Chief Electoral Officer, Sanjay Kumar, IAS-i okila jembidang Nagaland electoral roll nung nisung tenüng taila aser aiben züluoka lir, ta ashi.
2011 electoral roll nung registered voters lakh 13,38,000 liasü saka 2015 Electoral Roll nungbo lakh 11,74,000 ajema aküm. Ibaji ajanga electoral roll nung tenüng mashi züluokba sayur, ta Sanjay Kumar-isa ashi.
Iba senden nung Miss Nagaland & State Icon Veineinem Singson-ia o tatsüka jembi aser Election department-i renemba CD ka ka tadener ajak nem lema agütsü.
Joint Chief Election Officer, N. Moa Aier-i o jembidang ashiba agi, India ya Democratic Republic linük ka lir aser iba nung election ji kanga dang tongtipang.
Linük Temzüng Arrla 324 nung Election Commission of India (ECI) tentettsü tashi agüja lir, ta paisa ashi.
Electoral roll 2016 nung tenüng züloktsü atema nisung kati Residential proof certificate, Age proof certificate, HSLC Admit Card aser tawa agiba noksa 2 agütsütsüla, ta N. Moa Aier-isa metetdaktsü.
Agüja aliba kulitemji October 1-31, 2015 tsüngda BLO Administrators nem agütsütsüla aser iba mapang magütsütetertem asoshi January 12, 2016 nungi agütsütsü akoktsü, ta paisa metetdaktsü.