State nung National Lok Adalat kaogo

Dimapur, September 09 (TYO): Honibarnü Nagaland kübok district headquarters ajak nung peipei District Legal Services Authorities-i ayongzüka National Lok Adalat (people’s Court) kaa ken o 165 bentetogo.
Ken o timbaka bank dak sendakba, Public Utility ken otem aser ozüng alema inyakba kenotem liasü, aser item ken o aika bentetogo. Lok Adalat nung Bank tem, General Insurance company tem, Public service providers aser ken o benokertemi shilem agia liasü.
State nung National Lok Adalat nung ken o 471 angadanga liasü aser item rongnungi tanü ken o 165 bentetogo. Tanü bentetba ken otemji sen 1,13,50,265/- dak sendakba ken otem liasü.
Lok Adalat nung Presiding Judges den conciliators, Lawyers aser Para legal Volunteer temi yaritepa liasü.
Lok Adalat ji peipei District Court Buildings nung agi aser ken o benoker azüng-zülu mashirtemi timtem majurutsü atema peipei oshi nung agi.
Lok Adalat inyakyim ajanga sen kangabo meindoker aser ken o tekaraba nung tajungtiba agi latettsür. Linük tesem ajaklen National Lok Adalat ya ita ana shia khen ayongzüka agir.