Student-i Alokba nem QUESTION kar langzüdaktsür

Stu – Sir Alok, tanübo nü dang tasüngdangba kar asüngdangnür?
Sir,Tir yimyim nung tangar limabo Smart cities shimba 30 rongnung Aizawl-a züngsemba paper nung züngshir, süra asen Nagaland-a dang tashi nung smart cities akümtsüsa kechi nungsa temsüa lir?
Alokba – Aya,aika nung temsüa lir nung koda! saka ni mapang yari nenoki asüngdangba ama kar ashitsü merangdi.
1. Tang Nagaland tesem ajaklen gari lenmang nung gari bener jaja dang gari lenmang nung tzü atsünga aliba paitoka ano lenmang nung lenmang bushia mapang ajak indoka oli aruli ta jajaba ya asütsü.
2. Highway nung contactor-temi tarok alidak black topping melena ali tokoka toktsür gari ajak lishi agi chikodaktsüb.
3. Gari lenmang majung nung ainlen senzüdang tebur-a dena nu menden ajak raksadaktsür.
4. Tetsür tanur asotsü kangshia mozü ki bushia aodang lenmang majung nung atazüa bener aodang lenmang nung tanur atazüker.
5. Govt mapa nung inyakertemi pa melena tangar ka inyakdaktsüba.
6. Govt-nung mapa inyakertem govt-i itasen magütsütetba agi longkak aidaktsüba.
7. Office nung inyakertem office-i mapang shidak nung maruba ajanga nüpurtem office kima timtema atadaktsüba.
8. Ano dangbo asen Ao lima nung U.P. Bihar Hindu lima nung ama nisung tepsettsü jangraba aser tetsür tashiyim agi raksatsüba mapa tamajung inyaktsü jangraba.
9. Anogo shia lokti balala-i Yi sen aika jenjang rakzüka indoktsüba,saka taliang talubosa akümer.
Tatem nung ni nenok dang Nagaland yakta yongi smart akümba ka shidi. Naga nungertemi election nung candidatet tem dang nungi sen meshia achitsü nung smart, ano Naga nunger yakta yongi smart cities akümbaji lanurtem aser taintem ajak kecha mebilemi smart phone amshitetba. Anungji item kuli ajak agi Nagaland ji smart cities akümtsüji temsüa lir sürnung tangari asen lima smart ya mangurba dang ako.
LILIR – I.Meren Lemtur, Tzüdikong.