Süngdong aser nisung -Süngdongji süngjang agi jungkai adoka sayur-

Dr Imnakala, Dimapur

Süngdong aser nisung : Peteri yisu dang ashi, “Tesayur, ajiangjo, nai atakatemba Mongodong,” Mk 11:12. Atangji tobour tajung akhüm taket tajinütsü süngdong dakji tejang madangba agi atakatem aser yamaji kenyongi tatem küma süadok. Ayatai ni aser ozü kibong aser ni aser ozü kiyonger atema mangyim jashi tanen maka tasüba timtem, toushi, tashitak tetsübutsü aser lendong timtem agi semdangjen semdanger aser süngdong amaji akhüm taket tobur junga aliba sentsü tajung, chiyongtsü tajung tanen maka mapang ajak nung benjong ama dang lia aru nung tang yamai akümer no ? ta kang shisa buluer ya kechi asü ta laishiba azüngdang tazüng 28:15-68 ayatai, atangji tanü onok timtem maka peria aliba, agiba , chiyongba ozü nüngdak ajak peria alima tia junga aliba agi onoki Tsüngrem amadok, tashi manger. Tsüngremer ozüng shitak mamshir, atangji Tsüngrem nungi atsüngzüka aor, osang tajung kulisüba nung shilem agiteter, tenla nung aiblener. Tsüngrem tenla ki raksaja chidiyongdir. Oda Kor 3:17 nisung kari Tsüngrem tenlaki raksara Tsüngremi pa raksatsü. Kechiyong Tsüngrem tenlaki temeshi aser ibaji nenok lir. Nisung temang ya Tsüngremi pa meyong enoka yanglu aer tanela temeshi tangou aser ola enoktsüba agi Tsüngrem tenlaki aser Tsüngrem meyong temeshi tenla kit a ashir, saka aseni tashi mangaba tamajung aika den tanelai pelaba chiyongtsü agi Tsüngrem tenlaki raksaba ya koda tejashitsü, yamaji tenlaki raksaba, süngdong aruzüka aoba nisung taküm timtemba, asüba ya ajak Tsüngremer tejashiba agi nisung taküm ka merenshiba sayur.
Nisunger taküm nung timtem tapu balala ya temenen kisüngi temai atemer masü. Saka nisungi Tsüngrem dang tashi mangaba, atsüngzüka aoba, tenük merem tapu balala agi lir ta laishiba kuli agi sayur. Saul chubai Tsüngrem aser pa yarier David anema tamajung inyakba agi Tsüngrem nungi temenen tanela Saul madak tashi agi aru” Sam 18:10 aiben shiranger atema aser temenen tanelai kangshir atema sarasadem dang tashitak aser temenen den dang rara-a sarasadema aru. Saka Tsüngremi jungkai adoka rateta sayuba ya Tsüngrem dang tashi mangaba temenen mapa Tsüngrem anema inyakba agi Tsüngremi nisung dangi
-Temenen tanela yoker.
-Timtem tashitak yoker.
-Takoksa balala yoker.
Anungji Tsüngrem anema aibelenba temenen tamasa tai nangzüka melenshiang idangji tashitak anebtsü. Süngdong tasüji aruzüker aliba nungi lapi tasen adoktsü. Yisui ashi ama, “iba tenla ki ya raksa-ang aser asemnü nung ni ya mesotsü.” Yohan 2:19 yanglushitettsüsa alidang aser taküm alidangsa Tsüngremer taochi bushitsü asoshi ibaji mapang tajung lir.
Kechiaser asübaji odang asür masü, süngjang aser tongben nung mesen ia lir, iba mesenji Tsüngrem anema aiblenbatem yangi shia alibatem, ano meteta aliba pei taküm aser tsürabur, ano otzü obou nunger tai mapatemji süngdong südaktsüba mesenji lir.
Mesen tepsettsü atema mozü tajungtibaji Yisu Khrista senti azü lir. Anungji Ani 20:6 nung ashir, shirnoki kü dang meimer aser kü ozüngtem benshir parnok dang putu merijangsa merijang dang ni aochitsü. Luk 22:20. iba marok kü zü nung tasen tezüngzüktepba lir, koba nenok asoshi tokshir. Mt. 26:28, kechiaser ya kü tezüngzüktepba azü, koba jentipur temenen atoktsü asoshi tokshir.

Süngdongji süngjang agi jungkai adoka sayur : Asenoki meteta aser teti jembiba o ka kü mapa yimya agi kü takümji kechi ibaji aji sayur, ano ni yimya o ka yamai jembir, ni moko sali achir, mejaker, yi ajemer, ken ken o tamajung jembir, saka kü mulungjang shitak lir, aser ni kotaki aotsü ta ka asaya-a jembir. Saka Yisui ashiba o agi kanga junga aitsür, kechiaser yamai ashir, nisung tajungi pei mulongjang nung tajung rezünga aliba nungi tajung agiteter; aser nisung tamajunger pei mulungjang tamajung nung rezünga aliba nungi tamajung agitetter. Kechiaser kechi agi temulongjang sümga alir aji pei tebangi jembir. Luk 6:45. Asenoki asen chir jabaso jalatem dang lesson züngang ta meshiaka pa/la mulungjang shisatsü tangatettba nung ni pass asütsü ta belemra meranga azünger. Nükchidong makarbo anepalua ajungshiaka, ariija-a merenshiaka lesson azüngtsü yimdangia marur. Oda yimpazüa amajok pela nung mapang ajak endoker. Yamaji Yisui ashibaji aseni angateter asen mulongjang nungi adokba agi jembir aser asen dangi temoatsü mesüra atakatem arur.
Anungji Yisui ayongzükba o tajung aser shisatsü tabensa yamai asenoki angur.
– Nenoki pei aser tangar o tebendang aser nenok o mebendangtsü.
– Nenoki tangar aija tejembi aser nenok maitsütsü.
– Nenoki tai pur dang tai tokang aser nenok dang tai atoktsü.
– Agüjang shir nem agütsütsü tim nenoki par nem agütsütsü aser ne nem Tsüngremi aser parnoki tali nemshia moshia ataker agütsütsü.
Aseni tilaka inyak dang asen asoshibo Tsüngremi tuluka inyaktsü, anungji asen mapa tajung ajak asen dangi dang meyipa arutsü. Kechiaser nai nenu, nedi, kang dang sensaker azümesener dangji meimra agütsütsüsa ta sayur aser nai pa/la meimba jagi pai/lai künübo na yaritsüsa nüchi küma takar akümtsü. Tsüngremer sosema akümtsü idangji pai/lai meyiper asenok yaritsü mapang tajungji arutsü aser meyiptsütsü ibaji moshia moatsütsü aser agütsütsüba mapangbaji asütsü.
Asenoki kibong kar indang jembidang likokdong nung likok atangtsü, mersü dong nung mersü atangtsü. Kibong tajung tetezü azü temerük ochishir, Tsüngrem dak amanga Tsüngremi melongba inyaker chirnur koda sür majungtsüaka ta, ano par tetsü tebou nunger nungi ochishiba mali, azümesener ashir auer azü memerüki aru, anungji majungtsü, par chir nürtem kodasür ajungtsü kodanga majungtsü ta jembir, ibaji laishiba yamai ashir, ni KIBUBA temeshiba Tsüngrem lir. Tsürabur temenen atema par chirtem putu asen pezü tashi merenshitsü, saka shirnoki kü dang meimer aser kü ozüngtem benshir parnok dang putu meyirjangsa merijang ni aochitsü Ani 20:5,6, 34:7
Pei temenen aser tsürabur temenen yong tsükchir lima nung yareta aotsü. Levi 26:39 temenenji süngdong aser yarettsübaji süngjang ta asenoki angateter (Züng 14:17) (Yer 32:18)
Ano asenoki angateter asen tsüraburji süngdong, parnok temenenji süngjang aser aji asen khuret. Ano aseni manganütsü aser kanga taku süngjangji onok madak alartemi yimsü asür, aser parnok ket nungi kümzüktsü shinga mali (Aiatai 5:7,8)
Tanü aseni kanga dang tsübuba khuretji asen limai bendanger aitba, kibalembuba, ano tarutsü atema kechianga mesayangba khuret tulu ya-a asen majungba temenen süngdong süngjangji lir. Nisung shiaji süngdong ka ka aser itemi lir Galatia 5:19-21 ji lir.