Süngshi achiba ajanga temolungjang nung teyari agütsür

Temo tali aketba chiyongtsütem ajanga temang nung timtem agütsübatem süngshi ajanga tajemba kümdaktsütsü akok aser aji dang masü temang nung temo rizünga ayuba meilongi kümdaktsür, koba ajanga temolungjanga nung timtem agütsüba nungi kümzüker, ta scientist temi ngutetogo.
Bushisüngdangertemi temo aika aketba chiyongtsütem den külemi süngshi aketba chiyongtsütem koya nem hopta 12 tashi agüja chidaktsü. Hopta 12 sülen süngshi chidaktsüba koyatem tanga koyatem den medemdang dang parnok seret tajemba, tepok nung temo tajemba aser temang nung shini level, insulin aser azü nung temo jenjang tajungba kümer aliba ngutet.
Iba bushisüngdang nung US nung amenoka aliba OmniActive Health Technologies company nungi Vijaya Juturu densema liasü. Pai ashiba agi, süngshi chidaktsüba koyatem dak parnok temang nung temo rizünga ayuba mapang molecules ishiba alir aser temang raksatsü aser stress nungi kümzüka ayuba antioxidant aser anti-inflammatory molecules tali aliba ngutet.
Iba bushitetba osang ajangasa ashiba agi, temo aketba chiyongtsütem achidang süngshi achiba ajanga temang nung antioxidant aser anti-inflammatory system tem arakzüdaktsür aser temang nung temo rizünga ayuba inyakyim meilongi kümdaktsür, koba ajanga temolungjang aser iba dak sendakba tezütem nung timtem adoktsü nung kümzüktsü akok.
(Source- Internet)