Sunny Leone o Shaan na Kenya nung shilem agitsü

Nairobi, August 25 (Agencies): Bollywood actress Sunny Leone aser India nunger kentener Shaan na September 5 nü, Kenya yimtiba Nairobi nung musical tour ka nung külemi shilem agitsü sentong lir, ta media ajanga metetdaktsüogo.
Tena ya Carnivore Grounds, Nairobi nung shilem agitsü, ta allafrica.com-i ashi.
Tan Hopta tetenzüklena Bollywood actor, director aser kentener Farhan Akhtar-i Parklands Sports Club, Nairobi nung “Zinda Ho Tum” omen nung ajemdaker kenten sentong ka agia liasü.
Ano India nunger Kenya senso aser fashion designer Sonu Sharma-a August 29-30 tashi akatsü aliba “Kenya Worldwide Fashion Fiesta 2015” nung shilem agitsü lir.
Sharma ya “Kenya Worldwide Fashion Fiesta” ngutetsang, designer aser iba nungji managing director lir aser pai ashiba agi, iba sentong nung international aser regional fashion designer ajak shilem agitettsü.

You must be logged in to post a comment Login