Syria nung US-i anir amakdang 100 tepsetogo: US official

Beirut, Tsüklai 08 (Agencies) : Syria anüdoklen tsütsü sorkar pusemertemi amakba nungi nokdangtsü asoshi US-i anir aliba coalition sepaitemi amakba mapang parnok 100 shi tepsetogo, ta tanü Yangtepnü US ketdangsertemi metetdaktsüogo.
Osang ajanga ashiba agi, US-i nungita aliba Kurdish sepaitemi amokbanger aliba Deir Ezzor province nung Tir, Bashar al-Assad pusemertemi mezüng totzü aser gas installation amak.
Damascus adena oor Eastern Ghouta temeketlen anogo pezü songtema tongpang nung amshiba tayimtsü nungi bomb agüja amaker; Tentonü nungi tenzüka iba tongpang nung nisung 100 dak tema tepsetogo ta angazüker.
US Central Command ajanga ashiba agi, Deir Ezzor province nung sorkar nungitba sepaitemi amakba tesem jagi coalition advisers tonga ogo.
US sepai tanishir kati ashiba agi, “Syria sorkar nungitvba sepaitem 100 dak tema tepsetogo ta onoki asadangteta lir.”
SDF headquarters tsütsü meter 500 telungzük nung artillery & tank rounds 20 nungi 30 kalokja parnoki amaktsü tenzükba sülen SDF aser coalition sepaitemi tayimtsü amshia amak, ta paisa ashi.